مرحبا يا صديقي سوف نتكلم اليوم عن الادمان أنا مش دكتور نفساني، ولا بكتبلك من مكتب فخم فيه شهادات معلقة على الحيطان. ولو فاكر انك هتلقي المعلومات العادية اللي موجود في كل المقالات الموجودة علي النت أو الفيديوهات يبقي انصحك تخرج من موقعي دلوقتي، لو انت مش صادق مع نفسك برضو انصحك تخرج من موقعي لانك مش هيعجبك كلامي دلوقتي يلا بنا نبدا.
أنا واحد زيك كنت هناك. في نفس الظلمة وفي نفس الوحدة وفي نفس الادمان عارف طعم السهرة اللي بتبدأ بابتسامة وتنتهي بدمعة. عارف إزاي بتحس إنك طاير فوق، وبعدها تقع إلي اسفل السافلين. في مقالي لو ده يعتبر مقال يعني بس اعتبر أن دي عبارة عن دردشة. ومتخفش مش هقولك بلاش، ولا هوعظك، لان الكلام ده انت عارفه كويس بس خليني احكيلك أو اقسملك الموضوع عامل ازاي.
تعريف بسيط عن الادمان
أولا مش كل إدمان مخدرات لا الادمان حاجات كتير الإدمان هو حالة هروب من نفسك من الواقع من مشاكلك من الذكريات المؤلمه من فشلك. وممكن يكون إدمان مخدر، إدمان سجاير، إدمان أكل، إدمان علاقات سامة، أو العاب اون لاين أو ادمان علي الإباحية أو حتى إدمان هاتف. الإدمان ببساطة هو لما تحس إنك محتاج الشيء ده علشان تعيش، مع إنك عارف إنه بيموتك ببطء. عايزك تكون صريح مع نفسك لو سمحت لو مقدرتش تساعد نفسك محدش هيساعدك.
كنتُ أشرب لأنني أكره نفسي واستمررتُ في الشرب لأنني أصبحتُ أكره نفسي أكثر! جملة قالها مدمن سابق تعكس التناقض المأساوي للإدمان.
أنواع الإدمان
لازم تعرف اكتر عن الادمان زي انواع الادمان لان ده بيفرق معاك بيفهمك حاجات كتير والانواع كتالي:
- الإدمان الكيميائي: زي الهيروين، الترامادول، الكحول، الحشيش.
- الإدمان السلوكي: زي الإباحية، ألعاب الفيديو، الإنترنت.
- الإدمان العاطفي: التعلق بأشخاص بيأذوك، بس مش قادر تسيبهم.
ودلوقتي لازم تجاوب وبكل صراحة انت مدمن اي نوع فيهم؟ وخليك صريح احنا كلنا مدمنين مش انت لوحدك ولكن الاختلاف الوحيد هو تحكم الادمان فيك.
تنويه هام عليك قراءة هذا المقال : من أنا ؟ سؤال يوقظ شياطيني في كل ليلة
أسباب الإدمان؟ اسأل نفسك ليه بتروح لي الادمان؟
ليه بتشرب؟ ليه بتلف سيجارة؟ ليه بتفتح الفيديو ده كل يوم؟ ليه بتمارس العادة السرية؟ وعشان اكون صريح معاك السبب الحقيقي مش الملل ولا الصحبة. هو الألم. أنت عارف كويس أن الإدمان بيبدأ من جرح جواك يمكن من الطفولة. يمكن من خذلان. يمكن من إحساس دائم إنك مش كفاية.أنا، شخصيًا؟ كنت بهرب من الواقع. كان عندي اهداف كتير مش عارف اوصلها. عندي إحساسي بالذنب دائما، بالفشل، بعدم القيمة. وكنت كل ما أحاول أهرب، أرجع أتألم أكتر. لان بتهرب لي الادمان عشان تنسي الواقع لي لحظات
وترجع تاني لي الواقع ولكن بألم نفسي اكتر انك مدمن لازم تعرف ان الادمان مش حل الادمان مش بيعمل حاجه في حياتك غير الاسوء وكل فترة بتكون اكتر في الادمان بدل ما تشرب سجارة بتشرب اتنين و بعد كدة بتكون علبة الادمان بيخليك جعان مش بتشبع بيخليك دايما تكون عايز تهرب من الواقع وتفوق وتلقي نفسك بتوجه الالم ولكن بشكل اكبر ونفس الدائرة اللي مش بتخلص كل مرة بتهرب فيها بتلقي الالم بقي اقوي هقولك الصراحة كنت بوهم نفسي كتير اني عايز ابطل وبفعل اقعد يوم او اتنين مش بضرب او مش بروح لي الادمان.
عارف ايه اللي كان بيرجعني مش اعراض الانسحاب لا اني مش بلقي بديل اهرب بيه من مشاكلي مش بلقي طريقة تانيه اطلع الضغط اللي جوايا لان في وقت الاقلاع كنت دايما بواجه الذكريات بواجه المشاكل بواجه الالم وكنت في الطبيعي كل ما بواجه حاجه بتيقني بعمل ايه بجري علي الادمان وده مكنش بيحصل الجسم اتعود وعشان اكون دقيق العقل اتعود يقترح الفكرة دي عشان ده اللي انت بتحبه اتبرمج علي كدة بيحاول يساعدك ولكن عشان مفيش بديل هتعمل ايه الضغط هيزيد هتعب اكتر مش هتقدر تكمل هترجع مش عشان
ضعيف عشان مش قادر تتحكم في افكارك مش عارف تواجه مشاعرك المشكلة هي ادراة المشاعر والافكار ادراة نفسك يعني بكل اختصار انا كنت بروح لي الادمان عشان بحب الادمان مش لقي بديل يحل محل الادمان مش عايز اوجه مشاكلي مش عايز اوجه ضعفي انا يا صديقي اللي كنت بختار في النهاية ومش انا لوحدي انت كمان وخليك صريح مع نفسك الادمان مجرد فكرة بتظهر في عقلك والفكرة لو سبته في دماغك هتفكرك بشعور اللذة اللي بتحصل لمه بتعملها وبعد كدة بتحول الي سلوك وكل ده انت عايز كدة.
أعراض الإدمان؟
مش هقولك بقي عصبية وملل ومزاك مش رايك ومفيش شغف والكلام بتاع المقالات التانية وكلام الفيديوهات ده لان ده بيحصل وانت مدمن وانت مش مدمن عادي كل ده بيحصل عشان سايب نفسك هي اللي بتسوق مش انت هسأل سؤال وجاوبني بصراحة ايه هدفك من الحياة؟ 90 % من الناس مش عارفة وانت عايز عقلك يعمل ايه لو مش لقي هدف تعيش عشانه او عندك اهداف بس انت مكسل نفسك
بدور علي اي مشكلة او عقبة عشان تقول السبب مش فيها المشكلة في البلد المشكلة في اهلي المشكلة في التعليم انا عايز اكون كذا وكذا ولكن بص قدمة الورق وترفض عشان البلد ماشية بكوسة وتنسي حلمك وتعمل ايه بقي طالما مفيش حلم او هدف يكون عندك فارغ عقلي وعاطفي ونفسي لازم تبقي مدمن علي الاباحية لازم تكون مدمن علي مواقع التواصل الاجتماعي لازم تكون مدمن علي الالعاب وبتكذب كتير علي نفسك علشان تخبي عشان تهرب من مسؤلية نفسك. جسمك بيطلب المادة أو السلوك ده حتى لما تحاول تبطل عشان مفيش بديل في فارغ مش لقي حاجه تعملها غير ده. وبتخسر علاقاتك، شغلك، نفسك بس مكمل تعيش في دايرة مغلقة: تبدأ – تندم – تعِد – ترجع تاني.
كيف تعرف أنك وقعت في الفخ؟
ده الشخص اللي مش عارف هل هو مدمن ام لا الإدمان لا يأتي بين ليلة وضحاها، بل هو انحدار بطيء وهذه العلامات مش لي اي شخص او مش كل انواع الادمان ركز هل تعرف نفسك في هذه العلامات؟
الأعراض الجسدية :
- الاعتماد: جسدك لا يعمل بشكل طبيعي بدون المادة.
- أعراض الانسحاب: رعشة، تعرق، أرق، هلوسات في الحالات الشديدة.
الأعراض النفسية :
- الهوس: كل أفكارك تدور حول الجرعة التالية.
- الإنكار: أنا أسيطر على الموضوع يمكنني التوقف متى أردت! لكنك تخدع نفسك و لا تفعل.
الأعراض الاجتماعية :
- العزلة: تبتعد عن أحبابك لأنهم يحاولون إنقاذك.
- المشاكل المالية: تنفق كل مدخراتك ثم تبدأ في السرقة أو الاقتراض.
مخاطر الإدمان؟
الموت؟ اه علي حسب مش كل انواع الادمان، بس الموت مش أسوا حاجة هقولك الأسوأ؟ إنك تعيش وأنت ميت لانك أنت فعلا ميت. تتنفس وأنت فاقد للروح. الإدمان بيسرق منك وقتك، صحتك، علاقاتك، حلمك. والمصيبة إنك بتساعده بايدك. حاول هتقولي ايه عارف اللي بيدور في عقلك يا صديقي بتقولي بس أنا حاولت أبطل ومش قادر عارف. أنا كمان كنت كده. كل ما أحاول أبطل، ألاقي نفسي برجع. بس عارف فين كانت المشكلة؟ إني مش كنت صادق مع نفسي. كنت بقول: أنا تعبان، بس هبطل بعدين.
كنت بقول: الناس اللي حواليا هم السبب. بس الحقيقة؟ أنا كنت بحب الإدمان. كنت بلجأ له كأنه حضن بيدفيني، مع إني عارف إنه خنجر بيطعنني. العلاج الحقيقي؟ مش في المستشفيات بس مفيش مانع من العلاج في مستشفى علي حسب طبعا نوع الادمان والمستوي، أو جلسات نفسية، أو أدوية بس نصحية بلاش ادواية لانها مش حل خالص خالص الهدف من عمل الادواية دي هو الربح فقط لانها بتخدرك بس. بس العلاج الحقيقي؟ بيبدأ من قرار. قرار تكون صادق فيه مع نفسك. مش قرار تاخده بالليل وتنساه الصبح قرار تقول فيه: كفاية مش هرجع تاني. حتى لو وقعت، هقوم. حتى لو كل الناس ضدي، أنا هكون مع نفسي.
علاج المدمن في البيت؟ ممكن؟
عايز اسالك سؤال يا صديقي اذا عرض عليك 5 مليون دولار وتبطل ادمان لمدة سنه هتعمل ايه؟ هيكون قدامك دافع قوي انك تبطل صح وهتبطل فعلا ليه عشان في دافع قوي صح دلوقتي اجاوب علي سؤال العنوان أيوه طبعا، بس بشروط: بيئة امنة: مفيش مغريات، مفيش صحبة وحشة. يعني الاول يكون قرار صادق ولازم تعرف أن اعراض الانسحاب هي اعراض نفسيا فقط مجرد فكرة بتدور في دماغك زي فكرة الخوف من الضلمة بظبط او الخوف من المرتفاعات وثانيا يكون في :
- دعم نفسي: شخص يسمعك بدون حكم او لو مفيش حد اتكلم مع ربنا كل يوم افضل من مية شخص هيريحك لان ربنا اكتر واحد عارفك وحاسس بيك.
- نظام حياة جديد: وهنا اهم نقطة لان هنا بدور علي بديل الادمان ايه هيكون الحاجه اللي لمه حاجه تحصلك وحشة او تفتكر ذكريات او تفشل في حاجه هتروح تعمله هل الرياضة، فن قتالي وده اللي خرجني من الادمان كنت بطلع كل الغضب والضغط في أكياس الملاكمة كل يوم، الجري اليومي، الرسم، الكتابة، قراءة القران، تخرج تمشي لوحدك، تقعد وسط الناس او مع اهلك والاهم يكون في أكل منتظم و نوم سليم.
بس الأهم؟ لازم تكون واخد القرار بنفسك. مش لأن أهلك ضغطوا عليك. مش لأن صاحبك مات من جرعة. لكن لأنك خلاص، زهقت من العيشة دي لانك عايز تعيش بسيطرتك انت مش سيطرتة نفسك او رغباتك عايز تواجه مشاكلك. طب لو عملت ده وبتقولي بعد المحاولة أنا مش قادر ابطل؟ والاجابة عارف ليه مش قادر عشان بتعتبر نفسك ضحية.
لازم تعرف يا صديقي انك انت المسؤل عن حياتك ربنا خلق تختار مش مجبر علي حاجه. وممكن لأنك شايف إن حياتك فاضية، فبتملأها بأي حاجة. لأن جزء منك بيحب الألم أو الحزن ايوه في ناس كدة بتحب النكد ودايما بيكونو سالبين. أنا مكنتش سلبي انا كنت مش عايز اتغير كنت كده. وكل مرة أبطل، كنت أرجع. لحد ما وقفت قدام المراية، بصيت في عيني، وقلت: أنا مش الشخص ده. أنا أستاهل حياة تانية.
خطوات عملية للإقلاع في البيت
هنا انا اقصد اشخاص معينه وليس جميع المدمنين وكل واحد عارف نفسه وفاهم ان ده لي اقصي انواع الادمان الكيمائي ولكن في خطواط يمكن الجميع يستخدمه في مرحلة الاقلاع وهذا الكلام لان ممكن اشخاص تاخذ هذا الكلام ان الاقلاع صعب و يحتاج سنوات و لازم يكون في طبيب مش مع كل الادمان لان في اشخاص مثل مدمنين الهيروين، الكوكايين، الميثامفيتامين، الحبوب المهدئة وده بيكون محتاج طبيب عشان قبل الاقلاع يكون عارف هيبطل ازاي وايه العلاج اللي هيعتمد عليه و هيكون بديل لي المادة المخدرة في الجسم.
المرحلة 1: التخلص من السموم (3-7 أيام)
- اشرب ماء كثيرا، تناول الطعام الصحي، استعن بفيتامينات B.
- إذا كانت أعراض الانسحاب قوية، استشر طبيبًا قبل البدء.
المرحلة 2: إعادة بناء الروتين (أسبوع – شهر)
- املأ يومك بالرياضة، القراءة، أي شيء يشغل عقلك وتحب فعل هذا الشيء ليكون بديل واذا كنت لا تعرف عليك ان تجرب وتعرف قبل بدا عملية الاقلاع.
- اكتب يومياتك: لماذا تعاطيت اليوم؟ ما المشاعر التي هربت منها؟ وده عشان تعرف سبب اللي بيخليك تجري علي الادمان وتعرف نفسك.
المرحلة 3: المواجهة النفسية (أشهر – سنوات)
- العلاج المعرفي السلوكي CBT لمعرفة محفزاتك. ابحث عن اليوتيوب عن هذا المصطلح وسوف يوجد الكثير من الشرح.
- تعلم أن تعيش بدون مسكنات صناعية.
العلاج الحقيقي ليس التوقف عن التعاطي بل هو أن تتعلم كيف تعيش بدون الهروب! وده اهم شيء
انت عدو نفسك
ركز بقي يا صديقي في الكلام ده الانسان مش ابيض او اسود الانسان الاتنين رمادي في صراع كل يوم داخلي بين الخير والشر بين الفشل والنجاح وانت اللي بتختار مين اللي ينتصر ليه بقول الكلام ده لان فيه حاجة غريبة بتحصل لما تبدأ تتغير. كأن الكون كله بيتامر علشان يرجعك والصحاب يطلبوك، الإعلانات تطلعلك، المخ يلحّ عليك. بس دي لحظة الاختبار اللي بتحدد هل فعلا ده قرار صادق ولا لعب عيال. لو عديته الاختبار ده هتبدأ تعرف.
- إنك مش محتاجهم.
- إنك كنت بتحبس نفسك.
- إن الألم الحقيقي هو إنك تعيش مُزيف.
لو وصلت هنا يبقى فيك حاجة عايزة تتغير. فيك صوت صغير ضعيف بس حقيقي. الصوت ده هو المفتاح. اسمعه. محدش هيعيشك الحياة اللي بتحلم بيها غيرك. ومفيش دواء أقوى من الصدق مع النفس أنا مش بكتبلك علشان أقولك خليك قوي. أنا بكتبلك علشان أقولك: أنا كنت مكانك وقدرت أخرج. من الدائرة او المصفوفة زي ما بحب اطلق عليه مش الادمان بس موقعي ده عشان اقولك ان احنا متبرمجين علي اهلاك نفسنا عشان نكون دايما فقرا او موظفين او مدمنين باختصار نكون قطيع مثل قطيع الماعز والمتحكم هو الراعي عايز اقولك مفيش حاجة اسمها مستحيل فيه حاجة اسمها: أنا قررت اني اخرج من المصفوفة.
الخاتمة
صديقي أعلم أنك تعيش في سجن من صنعك يدك، لكني أعلم أيضا أن مفتاح الحرية بين يديك. قد تسقط ألف مرة، لكن النجاح ليس أن لا تسقط، بل أن تنهض مرة أخرى. الإدمان اختيار والحرية أيضًا اختيار. متى ستختار نفسك؟ في النهاية، لن تندم على الأيام التي عشتها بدون إدمان بل ستندم على الأيام التي عشتها عبدًا له. الآن، ماذا ستختار؟ إذا كنت مستعدًا لخوض المعركة، ابدأ اليوم لا تنتظر الغد، فربما لا يأتي أبدًا. أول خطوة في طريق الخلاص هي أن تصرخ في وجه نفسك: لقد سئمت من العيش هكذا! ✍️ كتبه أحد الذين عرفوا الطريق إلى الحرية وعادوا ليرشدوك.
