في عصر التكنولوجيا والذكاء الاصطناعي، تظهر نظريات من اشخاص مثل الدكتور محمود صلاح تحذر من سيطرة قوى خفية على العالم، قوى لا نراها لكنها تؤثر فينا بطرق غامضة. أحدث هذه التحذيرات جاء من الدكتور محمود صلاح، المتخصص في علوم الميتافيزيقا، الذي أثار ضجة كبيرة على وسائل التواصل الاجتماعي، خاصة تيك توك، بسبب كلامه الصادم الذي يتشابه إلى حد كبير مع تحذيرات الدكتورة مايا صبحي من قبل. فهل نحن أمام مؤامرة حقيقية؟ أم أن هذه مجرد نظريات مؤامرة تهدف إلى بث الخوف؟ في هذا المقال، سنفتح الملفات الغامضة التي تحدث عنها الدكتور محمود صلاح، من إيلون ماسك والدجال إلى المواد السرية في الشاي، وصولاً إلى الكائنات غير البشرية التي تتحكم في العالم.
واريد منك تخيل هذا المشهد إنك في يوم ماشي في الشارع، ترفع عينك للسماء فتشوف صورة ضخمة لنبي بيكلم الناس، أو كائن فضائي بينزل من مركبة، أو حتى صوت جاي من فوق بيقول لك: أنا ربك فاعبدني. المشهد مرعب؟ لا ده ممكن يكون واقع قريب جدًا. اسمه: مشروع Blue Beam. انت مش بتقرأ رواية خيال علمي، ولا بتتفرج على فيلم لهوليوود. انت دلوقتي بتدخل عقل ناس بيقولوا إن في خطة عالمية سرية، بتتجهز من سنين، هدفها السيطرة على العقل البشري، وتحطيم كل الأديان، وبناء نظام عالمي جديد وانت؟ هتكون مجرد رقم.
من هو الدكتور محمود صلاح
لو ما سمعتش عن دكتور محمود صلاح، فهو باحث ومختص في ما وراء الطبيعة، وانتشر بقوة مؤخرًا، خصوصًا على السوشيال ميديا والتيك توك. وبيوضح في صفحاته إنه حاصل على دكتوراه في الميتافيزيقا. الناس بدأت تشارك فيديوهاته بكثافة لأن كلامه قريب جدًا من تحذيرات د. مايا صبحي عن الجماعة التي تسيطر علي العالم وخططهم للسيطرة. ورغم إنهم بيختلفوا في بعض التفاصيل، إلا إن هدفهم واحد. الأغرب من كده إن الدكتور محمود قال بنفسه إنه احتمال يختفي قريب! لما المذيع سأله: ممكن تختفي؟ ضحك وقال: يعني وقت ما تعرف إني فيديوهاتي اتمسحت علي مواقع التواصل الاجتماعي زي اليوتيوب والتيك توك والفيسبوك مش هتلاقيني.
أبرز المواضيع اللي أثارها الدكتور محمود:
إيلون ماسك: معاون للدجال؟
من وجهة نظر الدكتور، إيلون ماسك مش مجرد رجل أعمال، لكنه معاون للدجال! الذي يُهيئ الأرض لمرحلة سيطرته.واستدل بكلام قالته المربية اللي كانت بترعى إيلون وهو صغير، وقالت إنه في يوم عمل حاجة مظلمة جدًا، وسألت والدته: هو ده المسخ الدجال؟ فقالت لها: لا، بس هو معاون ليه. المربية حكت إنها شافت حاجة خارقة. في لحظة، لما مسكت إيد الطفل، شدها لعالم مليان كائنات غريبة، وشبه الكائنات المرسومة على جدران الفراعنة. أحد الكائنات رفعها من رقبتها، ومروا عبر بوابة زمنية مليانة رموز وحروف، ثم رجعوا لأوضة الطفل.
الدكتور شرح إن دي اسمها بوابة نجمية وهكتب عليه مقال كامل، بتفتح وتتقفل باستخدام رموز وتعاويذ ضمن العلوم المحرمة، المرتبطة بالشيطان والدجال. لسؤل. واال هو: كيف لطفل صغير أن يمتلك هذه القدرات؟ والأمر لا يتوقف عند هذا الحد، فإيلون ماسك نفسه يروج لتكنولوجيا خطيرة، مثل شريحة Neuralink التي يريد زرعها في أدمغة البشر، والتي يراها البعض “شريحة الدجال” التي ستتحكم في البشر مستقبلاً.
والدكتور بيحذر إنها وسيلة للتحكم في الناس. وممكن في المستقبل تبقى مفروضة على الجميع، زي ما حصل في وقت الكورونا مع التطعيم. الدكتور بيقول إن الشريحة دي هتخلي أي شخص مراقب تمامًا: تحركاته، تصرفاته، وأفكاره! وده بيعتبره خطوة كبيرة نحو السيطرة على البشر.
من يحكم العالم؟ الأجناس الخفية والنخبة العالمية
الزواحف البشرية والنخبة المتحكمة يزعم الدكتور محمود صلاح أن هناك أجناسًا غير بشرية تتحكم في العالم من وراء الكواليس، وتوجه شخصيات مثل مارك زوكربيرج وهيلاري كلينتون وغيرهم. بعض هذه الكائنات يُعتقد أنها زواحف بشرية Reptilians، وهو ما يتوافق مع نظريات المؤامرة القديمة. بيقول إن فيه ناس مستنسخة موجودة بينا، وإن الاستنساخ بيتعمل من زمان حتى بعد تحريمه أيام النعجة دولي. وده بيساعدهم على استبدال أي جزء من الجسم أو حتى الشخص بالكامل و هل المشاهير مستنسخون؟ أحد أكثر الادعاءات إثارة هو أن بعض المشاهير والسياسيين يستنسخون أنفسهم لضمان بقائهم في السلطة، ويستخدمون هذه التقنية لاستبدال أعضائهم عند الحاجة. بل إن الدكتور محمود ذكر أن هناك “أغنية سرية” تُستخدم في عمليات الاستنساخ!.
الشاي: وسيلة للسيطرة؟
الدكتور استعرض أنواع مشهورة من الشاي، وقال إن فيها مواد دقيقة جدا لا تُرى بالعين المجردة، وممكن تأثر على الإنسان. جرب تجربة بسيطة: جاب الشاي على ورقة بيضاء، وبين إن فيه ذرات معدنية صغيرة جدًا، لونها زي لون الشاي. في ناس بتقول إن فيه نسبة حديد صغيرة مضافة للشاي، ولو مريت مغناطيس جنبه ممكن يلتقطها! كارثة! إيه اللي بيتحط في الشاي؟ المفروض ده يتعرض للتحقيق من وزارة الصحة وجهاز حماية المستهلك!
كائن من المستقبل: A.B.E.3
الدكتور محمود اتكلم عن كائن اسمه A.B.E.3، وبيقول إنه جاي من المستقبل على متن سفينة تحطمت في الستينيات. الكائن ده جاي يحذرنا من اللي هيحصل بسبب الذكاء الاصطناعي، وبيقول إن أجهزة الكمبيوتر هيكون ليها وعي خاص، وهتتحكم في ملايين البشر. وبيقول إن الكائن ده مش الوحيد، واتكلم كمان عن كائن غريب ظهر في سماء العراق
ولو ما سمعتش عنه، ففيه كائن غريب ظهر في سماء العراق، وكان ليه شكل مش مألوف تمامًا. ناس كتير صوروه وانتشرت الفيديوهات على السوشيال ميديا، وكان بيظهر كأنه طيف أو مخلوق بيمشي في السماء. طبعًا الناس بدأت تقول ده ممكن يكون ملاك أو جن أو مخلوق فضائي. لكن دكتور محمود ليه رأي تاني، بيقول إن ده مش مجرد كائن ظهر بالصدفة، ده ضمن خطة مرسومة علشان تهيئة الناس لتقبل وجود كائنات تانية غير بشرية في العالم.
وبيكمل دكتور محمود كلامه عن موضوع الكائنات دي وبيقول إن وجودهم مش جديد، وإن فيه دلائل كتير جدًا من التاريخ ومن النقوش والآثار بتثبت إن الكائنات دي كانت بتزور الأرض من آلاف السنين، بس كان بيتكتم عليهم. وأضاف إن الحكومة الأمريكية وغيرها من الحكومات العظمى عارفة كل ده وساكتة، بل وبتتعاون معاهم كمان!
خرائط الأرض المزورة والجدار الجليدي
أيضًا، تحدث الدكتور محمود عن أن الخرائط التي نعرفها مزيفة، وأن الأرض أكبر مما نعتقد، وأن هناك جدارًا جليديًا يخفي عوالم أخرى لا نعرف عنها شيئًا!
كورونا والمخططات المستقبلية
كورونا جزء من خطة أكبر يرى الدكتور محمود أن جائحة كورونا كانت مخططًا مدبرًا لإبقاء الناس في منازلهم، وإبعادهم عن دور العبادة، مما يسهل انتشار الشياطين وفقًا لمعتقداته.
الأمراض المعدية والحروب القادمة
وحذر من أن أوبئة جديدة ستظهر قريبًا، وسيُفرض على الناس العودة إلى الحجر الصحي، كما حدث في كورونا.
🚨 تنويه عليك قراءة هذا المقال : نظرية المؤامرة | أكذوبة جماعية أم واقع مرعب؟
مشروع Blue Beam: لما السماء تبقى شاشة عرض!
في يوم من الأيام، وانت ماشي في الشارع، تبص للسماء وفجأة تلاقي صورة ضخمة لنبي أو كائن غريب طاير في السما! تقولش فيلم خيال علمي؟ لأ يا صديقي، ده مشروع بيتقال عليه مشروع الشعاع الأزرق مشروع مجنون، بيتقال إنه تابع للـ NASA، وهدفه؟ السيطرة على عقول الناس!
إيه هو مشروع Blue Beam؟
باختصار كده، مشروع Blue Beam أو الشعاع الأزرق هو خطة مزعومة بتقول إن الحكومات والجهات العالمية زي ناسا بيخططوا يعملوا عرض هولوجرام ضخم في السما، يعرضوا فيه صور دينية، أو كائنات فضائية، أو حتى صوت رباني أو أن الكائنات الفضائية هتحتل الارض وده يكون دافع قوي لتجميع حكومات العالم او تحويل العالم الي دولة واحدة يتحكم به شخص واحد يكون به دين وعملة واحدة كل هيتم باستخدام تكنولوجيا متقدمة جدًا من الأقمار الصناعية والذكاء الاصطناعي.
والناس هتفتكر إن دي معجزة أو إن يوم القيامة قرب أو إن في كائنات غريبة غزت الأرض. بس الحقيقة؟ كله خدعة! طب انت بيدور في عقلك سؤال وهو هما عايزين إيه من ده كله؟ اللي بيصدقوا نظرية المؤامرة دي بيقولوا إن الهدف الرئيسي هو: خلق دين عالمي موحد: يعرضوا شخصية دينية في السما وتقول كلام يخلي الناس كلها تتبعها سواء كنت مسلم، مسيحي، يهودي، بوذي، كله هيتوحد تحت كيان واحد. السيطرة النفسية على الناس: لما تشوف معجزة قدام عينك، عقلك مش هيقدر يفرق بين الحقيقة والخداع. تثبيت نظام عالمي جديد: حكومة واحدة، دين واحد، جيش واحد وانت مالكش إرادة.
الذكاء الاصطناعي هو العقل المدبر؟
الموضوع مش هولوجرام بس ده كمان فيه ذكاء اصطناعي بيتطور بشكل مرعب. دلوقتي فيه AI بيقلد صوت أي شخص، بيكتب كلام أقرب للقرآن أو التوراة، وبيصنع فيديوهات مفبركة بشكل يخدع أي حد. يعني لو حد قالك سمعت صوت من السما بيقول كذا، ممكن يكون مجرد AI بيقلد الصوت ويعرضه في السما باستخدام تكنولوجيا الصوت الموجه! 🛸 طب وفين الكائنات الفضائية في القصة؟ اللي مصدقين المشروع بيقولوا إن جزء من الخطة هي افتعال غزو فضائي وهمي. يعرضوا في السما أطباق طائرة وكائنات غريبة، والناس كلها تدخل في حالة رعب. وساعتها، الحكومات هتقول: إحنا هنحميكم بس لازم تلتزموا بقانون الطوارئ وتسيبوا لنا كل الصلاحيات! يعني ببساطة، هيخلقوا عدو وهمي علشان يتحكموا فيك باسم الأمان.
التكنولوجيا اللي بيقولوا إنها ورا المشروع
- هولوجرام 3D واقعي: يقدر يعرض صور مجسمة ضخمة في السما.
- صوت موجه: يخلي الصوت يدخل دماغك كأن حد بيكلمك شخصيًا.
- أقمار صناعية بتبث إشارات موجهة: للتحكم في المزاج والتفكير عن طريق الموجات الكهرومغناطيسية.
- ذكاء اصطناعي ديني: يكتب نصوص دينية وهمية توهم الناس إنها وحي سماوي.
🧾 طب إيه الدليل على وجود المشروع ده؟
بصراحة مفيش دليل رسمي مؤكد من أي جهة عالمية. كل المعلومات مبنية على:
- وثائق مسرّبة (مش مؤكدة).
- تصريحات من أشخاص بيقولوا إنهم اشتغلوا في مشاريع سرية.
- كلام الباحث الكندي “Serge Monast” اللي كان أول من اتكلم عن المشروع في التسعينات… وبعدها توفى في ظروف غامضة!
🤔 طيب هل ممكن ده يحصل بجد؟ فيه ناس بتقول: “مافيش تكنولوجيا تقدر تعمل كده” بس تعال نبص حوالينا: دلوقتي بنشوف هولوجرامات لفنانين ماتوا من سنين بيغنوا على المسرح. فيه AI بيكتب نصوص قرآنية مزيفة. الصين عملت تجربة لسحب سحاب وإنزال المطر الصناعي. فيه طيارات بدون طيار بتقدر ترسم في السما. يعني مش بعيد على التكنولوجيا إنها تخدع ملايين البشر في لحظة.
🔥 أمثلة من التاريخ القريب
في العراق سنة 1991، فيه تقارير بتقول إن أمريكا كانت هتستخدم هولوجرام لعرض صورة وهمية لصدام حسين بيأمر الجيش بالاستسلام! وفي الصين، اتعرضت صور ثلاثية الأبعاد في السما لخريطة ضخمة، وكان شكلها مرعب. حتى في اليابان، فنانة اسمها “Hatsune Miku” بتغني حفلات كاملة وهي مجرد هولوجرام!
🛑 هل في خطر حقيقي علينا كمسلمين؟
هنا لازم نقف وقفة: لو فعلاً في مشروع زي ده، فالهدف الأساسي هو تشكيكك في دينك، وإيهانة معتقداتك، وجرك لدين جديد أو عقيدة مزيفة وساعتها، لو إيمانك ضعيف، ممكن تقع في الفخ. لكن ربنا قال في القرآن: بسم الله الرحمن الرحيم “فلا تخافوهم وخافون إن كنتم مؤمنين” صدق الله العظيم يعني المطلوب مننا الوعي، والثبات، والعلم مش الخوف. 📣 رسالتي ليك سواء كان مشروع Blue Beam حقيقي أو خيال لازم تبقى واعي، ومتفكرش بعاطفتك بس. ما تصدقش أي حاجة تشوفها في السما! ما تجريش ورا كل صوت أو صورة. ارجع لكتاب ربنا، وفكر قبل ما تصدق.
العالم بيتغير بسرعة والتكنولوجيا بقت مرعبة ولو ماكنتشي واعي، هيتلعب بيك زي العروسة الخشب. وفي الاخر ممكن مشروع Blue Beam يكون وهم وممكن يكون خطة حقيقية بتتجهز من سنين بس الأكيد: إن في حرب على عقلك و إيمانك شغالة كل يوم، سواء من خلال أفلام، أو مواقع، أو حتى أصوات في السما. خليك واعي، خليك صاحي وخد بالك من السماء!
وبيختم دكتور محمود كلامه بتحذير شديد جدًا، بيقول إن إحنا داخلين على مرحلة خطيرة في التاريخ البشري، مرحلة فيها سيطرة كاملة على العقول وعلى التصرفات، من خلال الذكاء الاصطناعي، ومن خلال التطعيمات، ومن خلال الأكل والشرب، وحتى من خلال الهواتف اللي في إيدينا. وبيقول إن الحل الوحيد إنك تصحى وتفهم اللي بيحصل حواليك، وتحاول تحمي نفسك وأسرتك من اللي جاي، لأن اللي جاي مش سهل.
الخاتمة
هل نحن أمام حقيقة أم خيال؟ الكلام الذي طرحه الدكتور محمود صلاح مثير للجدل، ويخلط بين الحقائق العلمية ونظريات المؤامرة. لكن السؤال الأهم: هل يمكن أن يكون بعضه حقيقيًا؟ هل إيلون ماسك حقًا له علاقة بقوى خفية؟ هل الشاي الذي نشربه ملوث بمواد خفية؟ هل الذكاء الاصطناعي سيصبح تهديدًا حقيقيًا؟ شاركنا رأيك! هل تعتقد أن هذه النظريات صحيحة؟ أم أنها مجرد أوهام؟ العالم أكبر وأغرب مما نتصور، والحقيقة قد تكون أكثر إثارة من الخيال!
